СЕМЕЙ ӨҢІРІНДЕ МЕКЕНДЕЙТІН ОРМАН ҚҰСТАРЫНЫҢ ҚОРЫН МОЛАЙТУ ҮШІН ЖҮРГІЗІЛЕТІН БИОТЕХНИКАЛЫҚ ШАРАЛАР

Аңдатпа

Мақалада соңғы жылдардағы орман және дала ландшафттарында экологиялық жағдайдың нашарлауының салдарынан көптеген жабайы құстардың түрлерінің саны азайюна байланысты зерттеу нәтижелері берілген. Биотехникалық іс-шаралар немесе жануарлардың тіршілік ету ортасын қорғау және жақсарту жөніндегі іс-шаралар деп жануарлардың тіршілік ету жағдайларын жақсартуға бағытталған шаралар жиынтығы түсініледі. Сондай-ақ, бұл фауналық биоәртүрлілікті сақтау немесе ұлғайту мақсатында жоспарланады және орындалады. Биотехникалық шаралар ретінде мыналарды қарастырамыз: азықтандырудың жасанды орындарын дайындау, табиғи көбею орындарын қорғау жұмыстары; көбею және азықтандыру орындарын талапқа сай етіп ұстау; қорғауға алынған түрдің көбеюіне зиянын немесе кері әсерін тигізетін факторлардың алдын алу; орман шаруашылық және ауыл шаруашылық жұмыстарын жүргізу кезінде аңдар мен құстардың мекендейтін аймақтарын сақтау. Ғылыми жұмыстың негізгі мақсаты – Семей өңірінде мекендейтін орман құстарының қорын молайту үшін биотехникалық жұмыстарын ұйымдастыру және жүзеге асыру. Зерттеу жұмыстары «Қазақстан Республикасы экология, геология және табиғи ресурстар министрлігі орман шаруашылығы және жануарлар дүниесі комитетінің «Семей орманы» мемлекеттік орман табиғи резерваты» Республикалық мемлекеттік мекемесініңде жүргізілді, зерттеу жұмыстың нәтижелерін аңшылық шаруашылық бағытында пайдалануға болады.